«Henry along the road» isch es Projekt gsi, wo während de Summerferie ufem ne Roadtrip quer dürd Schwiz entstange isch. Zäme mit dr Jessica bini mitem ne VW Büssli losgfahre u ha üsi Heimat vo de schönste Syte kenneglehrt.
Da das glichzytig es Studiprojekt isch gsy, hei mir jede Tag flyssig gfiumet, gfötelet, Texte gschrybe u am Schluss vo üsere Reis ganz viu Content drus produziert. Während dr Reis hei mir e chlyne Blog uf Instagram gfüehrt. Dr Fium, wo üsi schönste u prägenste Momänte zeigt, hei mir mitem iPhone dräiht. Uf üsere dynamische Websyte hei mir schliesslech e Guide für ds Wiud-Campiere ir Schwiz, üse Fium u e Beschrybig vom Projekt publiziert.