Bärndütsch.

🐻

Bärndütsch, mis Härzensprojekt.

Im Früehlig 2020 ha i im Studium zäme mit ere Kollegin ds Projekt «Bärndütsch» i ds Läbe gruefe. Mir hei üs intensiv mit üsere Muettersprach usenang gsetzt, hei Texte schrybe u ufngo u üses erschte Produkt konzipiert, säuber designt u schliesslech ufe Markt bracht. Di französische Jasscharte im Bärn-Stiu.

Us ere erste Bschtellig vo 300 Stück sy wyteri, grösseri Bschtellige worde. Mir hei üses Sortimänt erwyteret u im Rahme vo üsere Bachelorarbeit e Pop-up-Lade ir Bärner Autstadt eröffnet. Nachdäm o das Projekt erfougrych über d Bühni isch gange, heimer üsi GmbH gründet. Sythär füehre mir üses Ungernähme z zwöit. Mir mache aues komplett säuber: Vor Produktkonzipierig, über d Finanze, d Erstellig vo üsem Content u d Betröiig vo üsne Social Media Kanäu.

Meh zu Bärndütsch erfahrsch uf üsere Websyte oder uf üsem Instagram-Kanau.